نصائح مهمة في البيزنس

نصائح مهمة في البيزنس , اذا اردة الدخول في عالم البيزنس اخذ هذه النصائح في الاعتبار :
– اعمل حسابك حتخسر حياتك الشخصية وحتفقد حبك للحياة مع ضغط الشغل والفلوس.
– وظف اللى يقولك تعمل اية وازاى وامتى ما توظف اللى تعمل عليهم مدير وتسوقهم.
– ما تنسى نفسك واهلك وحياتك مهما البيزنس خطفك .
– عملائك هم ثروتك ومحفظتك ما تتكلم عنهم لحد ولا تدى حد معلومات البيزنس بتاعك.
– وسط الناس حتلاقى كتير مش ناجحين بس محتاجين فرصة وهما دول مكسبك وهدفك.
– خلى علاقاتك على المستوى الخارجى العالمى اكثر من المستوى المحلى الداخلى دائماً.
– تذكر دائماً ان الناجحون لا يتحدثون عن نفسهم كثيراً ولا عن اعمالهم ولا عن بيعملوا ايه.
– اياك تصرف من اللى بتدخلة وتلف فى دايرة (منه فية).. لازم يكون فى رأس مال.
– ركز فى ان كل استثمار له تكلفة وله عائد وغير كده تبقى ماشى غلط ولازم تصلح الغلط.
– اكبر غلطة انك تفتح من باب المخاطرة وما تكون حاسبها مادياً صح.
– كل اللى حيقفوا جانبك ومعاك ممكن فى لحظة يكونوا منافسين واعداء.
– مافي حاجة اسمها افكار عبقرية لكن في تنفيذ لأى فكرة بشكل عبقري.
– ما تروح مؤتمرات ومعارض وقمم وتقول بتعلم  روح عشان تعمل علاقات مش اكثر.
– شوف غيرك بيعمل اية وذاكر تجاربهم وجرب فى نفسك وعلى نفسك حتنجح.
– ما تسمع لحد غير للى ناجح بجد لان الفاشل بينقل الصورة من وجهة نظرة والعكس صحيح.
– اختار طريق (يا تبدأ صغير وتكبر..يا تبدأ كبير وتفضل كبير) الفلوس بتجيب فلوس.
– دارى على شمعتك تفضل منورة دى بجد خير نصيحة ليك كصاحب بيزنس مش للبيزنس نفسة.
– التسويق ثم العلاقات العامة ثم الإعلان ثم الإبهار ثم التوسع ثم الإنتشار.
– ارتقى!! ثم ارتقى فى اللى بتعرفهم واللى بتتعامل معاهم وخبراتك وتجاربك وخطواتك.
– لو حسيت انك بتخسر، ما تعاند .. ارجع خطوة للوراء وعيد حساباتك صح.
– ما تدور على مستثمر غير وانت ناجح، غير كده تبقى بتبيع نفسك لغيرك.
– نعمة البيزنس فى فريق العمل بتاعك هما دول اهلك وناسك واصحابك ونجاحاتك.
– ركز اكثر لو البيزنس بتاعك قائم على الخدمات مش المنتجات وصارع من اجل الوصول.
– العملاء بيهتموا بالمظاهر وحتنجح لو وثقوا فيك وقدمت خدماتك صح وفى الوقت المحدد.
– اصطفى عملائك واعمل لنفسك صورة فى السوق وما تنسى ان منافسيك هم من حولك.
– لازم دراسة جدوى ولازم خطة عمل ولازم ورق ودراسات وتحليل وأرقام .
– فكر فى كل خطوة على المدى البعيد حتكون نتائجها اية وبلاش المخاطرات الجماعية.
– ماتنسى فى مرحلة معينة تركز على الــBusiness Development أكثر من التسويق والبيع.
– ابنى قاعدة عريضة من الشراكات والتحالفات والوكلاء والموزعين … هما دول المستقبل.
– السر فى بيئة العمل الخاصة بالبيزنس بتاعك، لو كويسة شغلك حيمشى كويس.
– من غير توفيق ربنا والبركة فى العمل مافيشي حاجة حتمشى كويس عن تجربة.
– مثلث البيزنس الناجح (فريق العمل – العملاء – المنتج والخدمة) .
– اتباعك بيتفرجوا عليك مش دايماً بيفرحوا بيك …. لما تنجح حيصفقوا ولما تفشل حيسكتوا.
– اختار Business Model من أول لحظة لنفسك وللبيزنس بتاعك ولخمس سنين قدام.
– استمرار البيزنس مش معناه نجاحك، لكن مراحل تطور البيزنس هى اللى بتقيس النجاح.
– لو لقيت موظف مقدم سيرتة الذاتية لشركة تانية يبقى لازم تدق ناقوس الخطر لان فى مشكلة.
– ادرس كويس حسابات ومعادلات وافهم الارقام فى كل قسم وادارة ماشية ازاى.
– حياتك على السوشيال ميديا بتعرفك على ناس وبتعمل بيها علاقات ولا يمكن اغفالها.
– ابعد عن العواطف والمشاعر والعلاقات الشخصية فى العمل لانها بتهده.
– حواء فى البيزنس بتاعك خليها بيزنس من اى حاجة تانية وركز كويس فى النقطة دى.
– بعد 3 سنوات من البيزنس لازم تتحاسب على كل خطوة ولازم تبقى قائد مش مدير.
– انت مش اللى بيمشى البيزنس ولا بيعمله انت بتراقبه وتاخد القرارات الاستراتيجية فقط.
– البهدلة فى البيزنس شىء محترم بس لو فضلت متبهدل تبقى فاشل يا فاشل.
– الكفاح فى العمل هو الكفاح فى مرحلة التأسيس وخليك فاكر نجاحك فى مراحل استمرارك.
– انت قصة النجاح والتوفيق من عند الله وخذ بالاسباب واحسبها صح واتعلم من اللى حواليك.
كانت هذه نصائح مهمة في البيزنس التي يجب عليك اخذها في الاعتبار .

عن daggage

شاهد أيضاً

مشروع مربح في البيت

مشروع مربح في البيت : أفضل 10 مشاريع مربحة

مشروع مربح في البيت :هناك العديد من الأفكار الرائعة لمشاريع تجارية يمكن البدء بها في …